#SOLASEAN Maider Martiarena

Elkarri hitz egitea eta entzutea, norberaren bizipenak partekatzea. Hori izaten da gatazkak gainditzeko urratsak emateko modu eraginkorrenetako bat. Hala uste du, behintzat, Maider Martiarena Katea auzoko irundarrak. Badaki zertaz ari den, Bakeolan, EDE Fundazioko Bizikidetza, Gatazka eta Giza Eskubideen zentroan lan egiten baitu. Bertako kide gisa, Hondarribian bizikidetzaren inguruan aurrera eraman duten dinamikan parte hartu du, koordinatzaile eta dinamizatzaile lanean.