Leka Enea mahai tenisa: Josema Zuazua eta Maitane Zuazua | KIROLETIK

Udako beroak atzean utzi eta iraila gerturatu ahala, Irungo Sonia Etxezarreta teknifikazio zentroak ateak parez pare zabaldu ditu berriro ere. Pilota zuriaren hots txiki eta lehiakorra etengabekoa da orain; mahai tenisaren erritmo bizia berreskuratu du Leka Enea klubak. Denboraldi berria ate-joka dela, kluba bete-betean murgildu da denboraldi aurreko prestaketa lan sakon eta zorrotzetan. Instalazioen barruan, Josema Zuazuak eta bere alaba Maitane Zuazuak elkartearen iraganaz, orainaz eta etorkizunaz hitz egin digute, lehendakari gisa lehenak eta jokalari gisa bigarrenak.