Bidasoa Atletiko Taldeko emakumeek aurten Iberdrola Kopan parte hartu dute. Historian lehen aldiz euren meritu propioengatik lortu dute txapelketa honetan lehiatzeko sailkatzea. Bertan parte hartu zuten Alaine Aguerraldek, Alazne Garridok eta Leire Martiarenak esperientzia nolakoa izan zen gogoratu dute.

Alaine Aguerralde Bidasoa Atletiko Taldeko kirolaria da. Aurten lehen aldiz Europako Txapelketan parte hartu du 400m-ko hesi lasterketan eta bertan 13. postua eskuratu du. Espainiako Txapelketan proba berean txapeldunorde izan ostean lortu zuen txapelketa horretan parte hartzeko aukera. Atleta irundarrak esperientzia berri hau nola bizi duen kontatu digu, denboraldi berrirako dituen helburuak azaltzearekin batera.