Asexora-T zerbitzuaren bitartez sexualitatea konfiantzan, errespetuz eta aniztasunean lantzeko espazioa eskaintzen du Irungo Udaleko Gazteria arloak. Hiriko gazteei zuzendutako zerbitzua da eta beraiengana iristeko hainbat ekintza, formakuntza eta esku-hartze antolatzen dituzte. Maialen Dorronsoro Asexora-T zerbitzuko sexologoak eskaintzaren nondik norakoak azaldu ditu.

Gazte irundarrek aisialdiaz gozatzeko espazio berri bat dute 2023. urtearen hasieratik. Duela gutxira arte Irunek gazteleku bakarra zuen, hain zuzen ere, MartindozeneaGaztelekua,  Elizatxo hiribidean. Orain Julio Caro Baroja plazako 3. zenbakian kokatutako Artiako Gaztelekua zerbitzua osatzeko iritsi da. Lierni Soaje, Selene Marcos eta Aratz Irigaray hezitzaileek osatzen dute gazteleku berriko lantaldea.