Iñaki Goikoetxeak eta Maialen Lópezek Ozeano Atlantikoaren beste aldera eramango dituen proiektu berria dute eskuartean. “Hemen Gaude” izeneko elkarte eta egitasmoa abiatu dute Hego Ameriketako herrialdeetan euskaldun eta euskal kulturarekin lotura duten lekuak bisitatzeko. Bidaiak iraungo dituen 7 hilabeteetan zehar bikoteak sare sozialen bitartez partekatuko ditu bidean aurkitzen dituzten istorioak eta bitxikeriak.