Betti Gotti elkarteak III. Irun Hiriko Goitibera Sari Nagusia antolatu du 2024ko Koadrilen Egunaren barnean. Parte-hartzaileak Irungo San Martzial aldapan behera bota ziren beraiek eraikitako edo antolakuntzak utzitako goitiberekin. Bidean kolperen bat hartu arren, lehenago edo beranduago, guztiek Urdanibia plazako helmugara iristea lortu zuten.

Betti Gotti Euskara Kultur Elkarteak II. Goitibera Saria Antolatu zuen 2023ko Koadrila Egunean. Goitiberen jaitsierako parte-hartzaileak San Juan plazatik abiatu, San Martzial aldapan behera eta Urdanibia plazan sartu ziren helmugako zintzarria astinduz. Lehiaketak 12 parte-hartzaile izan zituen eta gehienak beren eskuekin sortutako goitiberekin lehiatu ziren.