Txotx denboraldia ireki dute Ola Sagardotegian. Sagarra egiten duten baserritarrak izan dute lehen tragoa egiteko ardura. Aurten ere, musika eta bertsoak ez dira falta.

Irungo Ola Sagardotegia erronkez beterik datorren sagardo denboraldiari aurre egiteko prestatzen ari da. Aurtengo uzta eskasa izan arren, kalitatezko sagardoa Meakako kupeletan prest dago jada bezeroen esperoan. Ohi bezala txotx irekiera ekitaldia antolatzea ezinezkoa izango bada ere, Iñaki Bengoetxea Ola sagardotegiko nagusiak sagardo kontsumitzen jarraitzea espero du.

Urtarrilaren 21an hasiko da sagardo denboraldia Irunen. Irekitze festa egingo dute Meaka auzoko Ola sagardotegian, senideekin, lagunekin eta gertukoekin egingo duten bazkarian. Azken prestaketa lanetan dabil Iñaki Bengoetxea nagusia, nahi bezala irten dadin dena.