Olentzero eta Mari Domingi Irunera hurbildu ziren abenduaren 23an hiriko haurren eskutitzak jasotzeko. Irungo kale ezberdinetan barrena ibili ostean, San Juan plazako arkupeen aurrean eseri ziren haurren desirak entzutera. Aurten Olentzeroren etorrerak hainbat nobedade izan ditu Irunen, San Juan plazan eraikitako txondorra eta Atseginako erraldoien kopainia tarteko.