Kemen dantza taldeak hainbat hitzordu antolatzen ditu Inauteri garaian Irunen. Galdaragileen konpartsan ezkontzaren osteko ospakizunean dantza egiten dute lehenik. Otsailaren 14an ohiko euskal herri inauteria egingo dute 12:00etatik aurrera hiriko erdigunean. Azkenik, otsailaren 15ean, Puska Biltzean ibiliko dira Olaberriako baserrietan barrena dantzan. Aiora Fagoaga Iza eta Naroa Zuazua Aristizabalek aurretik dituzten ekitaldien xehetasunak azaldu dituzte.

Beste urte batez Eraiki dantza taldeak Puska Biltzea antolatu du. Otsailaren 26an, Inaute Aurrean, dantzariak San Martzialetik hasi eta Bidasoa eta Behobia auzoetako baserrietan barrena ibili ziren puska biltzen. Ohi bezala, Txintxarriekin eta zinta urdin-gorriekin apaindurik egin zuten bidea.