Abian da elikagaiak biltzeko kanpainia Hondarribian

Abian da elikagaiak biltzeko kanpainia Hondarribian

Saharako familia errefuxiatuentzat elikagaiak biltzeko kanpainia antolatu du TADAMUM elkarteak Hondarribian. Ostiral goizera arte ikastetxeetan egingo dute bilketa. Arratsaldetik aurrera eta asteburu osoan zehar, herriko supermerkatuetan jasoko dituzte elikagaiak (Eroski, Super BM, DYA, Aliprox eta Sokoa). Azukrea, arroza, pasta, lekaleak, hegaluzea, sardinak oliotan eta konpresak behar dituzte bereziki. Duela berrogei urte Tindoufeko kanpamentuan egoera larrian bizi diren familiek jasoko dituzte.