Amane Area, musikaria eta abeslaria | Bidasoako Ahotsak

Amane Area abeslari eta musikari irundarra da. Musikarekiko zaletasuna txikitatik datorkio, afizioari hasiera data zehatza jartzea ezinezkoa zaion arren. Berriki Emakumeen Etxean egindako ‘Emakume artistak: irudikatu, sortu eta ospatu’ jardunaldian parte hartu du, aurretik udalak antolatutako beste saio batzuei musika jarri ostean. Dena den, kalean zuzenean abestea eta inprobisatzea maite du, tarteka Donostiako kaleetan aritzen baita horrela. Ahotsaz gain, gitarra da Amanek musika sortzeko duen lagun banaezina.