Arnasa hartu dute Irujok eta Barriolak Hendaiako garaipenari esker

Arnasa hartu dute Irujok eta Barriolak Hendaiako garaipenari esker

MTZ. DE IRUJO-BARRIOLA 22-7 RETEGI BI-REZUSTA

Hogeita hamabost minutu besterik ez zituen behar izan atzo Irujo-Barriola bikoteak Retegi eta Rezusta gainditzeko. Hendaiako Daniel Ugarte pilotalekuko zoru azkarrari etekina atera zion bikote nafarrak. Ondorioz, Eskuz Binakako Txapelketako sailkapenean gora egin du. Artola-Albisu eta Bengoetxea-Aretxabaleta bikoteekin berdinduta daude orain Irujo eta Barriola. Hiruna garaipen lortu dituzte bikoteok.

Juan Martínez de Irujo izan zen protagonista nagusi Hendaiako neurketan. 14 tanto egin zituen jokoan. Hasieratik egin zuen erasora, eta mendean izan zuen JuleN Retegi aurrelaria. Rezustak kostata erakutsi zuen ezker fina, eta Barriolak asi izan zuen esperientzia Irujori beharrezko babesa eskaintzeko. Hendaiako garaipen argiak lehian sartu du berriro joan den urtean txapeldun izan zen bikotea.