Bukatu da 2017ko arraun denboraldia, eta atseden garaia da arraun elkarteetan. Lehiaren ondorengo beroaldia pasata, hotzean balorazioak egiteko momentua ere bada. Xabier Velascok (Irun, 1991) lehen esperientzia izan du Eusko Label Ligan, Hondarribia Arraun Elkarteko talde nagusian. Pasaian lortu zuen goi mailako lehen bandera, uztailaren 23an, harrobiko hamar arraunlari zeramatzan traineru batean. Beste bost bandera […]

Emakumeen Lehen Mailako errebelazioa izan zen Mariasun Quiñones (Hondarribia, 1996), iaz. Sari hori eman dio Marca egunkariak. Denboraldi bikaina eduki zuen Realeko atezainak, eta Europako Txapelketa jokatzeko aukera ere izan zuen, Espainiako selekzioarekin, Holandan. Mariñoko harribitxia da, futbol elkarteak urtetan egindako lanaren seinale.

Kirol ekimen bakana da Txingudi futbol selekzioa. Mugaz gaindiko eskualde bateko gazteak elkartzen ditu. Irungo, Hondarribiko eta Hendaiako Udalek martxan jarri dute, Bidasoa-Txingudi Mugaz Gaindiko Partzuergoaren bidez. Eskualdeko futbol elkarte ezberdinetako gazteak aritzen dira bertan, eta Donostiako Realaren ardura da proiektuaren zuzendaritza teknikoa. David Ortega entrenatzaile irundarra da arduraduna.

Ezusteko dei batek neguko oporrak eten zizkion Gurutz Aginagalde Naturhouse La Rioja eskubaloi taldeko atezain irundarrari. Pozarren dago, baina. Sekula ahaztuko ez duen esperientzia bizi ahal izan baitu hari esker.