Haurtxoak Irungo Udalak hiriko umeentzat eskaintzen duen zerbitzu bat da denbora librearen erabilera aktibo, sortzaile, parte-hartzaile eta osasungarria egitea bultzatzeko. Momentu honetan Irunen hiru Haurtxoko daude eta 4 eta 11 urte bitarteko haurrei zuzendurik dagoen zerbitzua da.

Kepa Ordoki Memoria Historikoa Bidasoan elkartea 2018 urtean sortu zen. Elkartearen izenean Gernika Batailoiko buruzagia izan zen Kepa Ordokiren izena agertzen bada ere, elkarteak Behe Bidasoa bailakora memoria historiko zabala berreskuratu, bateratu eta hedatzeko proiektu ugari dauzka martxan.

Bidasoako Ahotsak elkarrizketa saioaren barnean, jarduera anitzak aurrera eramaten dituzten Bidasoako eskualdeko biztanleei ahotsa emateko ahalegina egingo dugu. Honela, arlo ezberdinetan diharduten pertsonak elkarrizketatuko ditugu. Saio berri honen lehen atalean Parean Berdintasun Elkarteko Oihana Llorente eta Miren Lantzi egindako elkarrizketa ikusi ahalko duzue. Elkarrizketa 2019ko otsailean grabatu zen. Iruneron elkarrizketa idatzia.