Cliché musika taldeak «Conjuro» izeneko lehen abestia atera du

Cliché musika talde irundarrak bere lehen abestia kaleratu berri du. Urtarrilaren 28an estreinatu zen “Conjuro” izeneko abestia, bideoklip eta guzti. Asier Piera abeslariak, Rubén de la Iglesia gitarra-joleak eta Ander Sáenz perkusionistak osatutako taldea arrakasta berrien bila abiatuko da. Musikariek, pandemiaren oztopoak gaindituta, eszenatokietara itzuli eta oraindik aurkezteko dituzten abesti berriak ezagutarazteko gogo handia adierazi dute.