«Doakotasunerantz, herritarron beka», AEK Irun eta BDS KOOP

“Doakotasunerantz, herritarron beka” izena aukeratu dute AEK-k eta BDS KOOPek beren proiektu berria izendatzeko. Egitasmoaren helburua euskaldundu nahi den pertsona ororen eskuetan euskara ikasteko aukera jartzea da. Euskara ikasten hasi nahi dutenentzako beka sistema berri honen bitartez, babesle sare bat sortu nahi dute, euskaltegiko matrikula ordaintzeko zailtasunak dituztenei laguntzeko. Beñat Alzaga Irungo AEK-ko kideak eta Dornaku Lanz BDS KOOPeko kideak proiektua ezagutarazi dute.