Magallanesek eta Elcano euskal marinelak munduri egindako lehen itzuliko abenturak kontatzen dira uztailean zinemetara iritsiko den “Elcano lehen mundu bira” pelikulan. Ángel Alonso zuzendariaren gidaritzapean, Irunen egoitza duen Dibulitoon Studio produktoreak ekoiztutako filma da. Zuzendariaz gain, Jone Landaluze ekoizle eragilea eta Juan Álvarez efektu berezietako adituak bezalako profesionalek parte hartu dute pelikula berri honen sorrera prozesuan.