Hondarribiko inauterietako desfilean izena eman daiteke

Hondarribiko inauterietako desfilean izena eman daiteke

“Inauterietako karroza eta konpartsen lehiaketa” antolatu du Hondarribiko Udalak. Otsailaren 15ean izango da desfilea, baina izen ematea irekita dago jada, otsailaren 5a bitarte. Hondarribiko BAZ bulegoan egin daiteke. Edonork parte hartu dezake, ez dago gutxieneko neurririk edo derrigorrezko baldintzarik. Epaimahaiak originaltasuna, aurkezpena eta giroa hartuko ditu kontuan taldeak saritzeko. Otsailaren 16an emango dituzte emaitzak, 19:00etan udaletxeko Areto Nagusian egingo duten ekitaldian.