Parean eta Kera elkarteek Emakumeok Zast! proiektua martxan dute | KIROLETIK

Parean eta Kera elkarteek abian dituzte emakumeak kirolera erakartzeko egitasmoak. Alde batetik, Parean elkarteak emakume eta neskentzako kirol eskaintza biltzen duen liburuxkaren edizio berria atera du. Horretaz gain, emakumeen kirola ikusarazteko helburua duen Mendi Urruzunoren Hamaika emakume*, hamaika erronka argazki erakusketaren antolatzaileetako bat izan berri da Parean ere. Bestetik, Emakumeok Zast proiektuaren hirugarren edizioa martxan dute bi elkarteek elkarlanean. Kera elkarteko Ane Toledo eta Parean elkarteko Ainara Lópezek proiektu horietako berritasunak aurkeztu dituzte.