Auntxa Trikitixa Eskolak Irungo Gabonen parte ezinbestekoa diren hainbat hitzorduetan parte hartzen du. Trikitixa eta Panderoaren irakaskuntzara zuzenduriko Irungo eskolak errepertorio zabala joko du Gabonetan. Iñaki Aranaga irakasleak akademiaren egoeraren eta hurrengo kontzertuen daten berri eman du.

Nayade abesbatzari oharkabean iritsi zaio 25. urteurrena. Emakumeez osatutako kantari taldeak pandemiak eragindako zailtasunak gainditu berritan, koruaren zilarrezko ezteiak ospatzeko ekintzei ekingo die. Alaitz Urkia Nayade abesbatzako zuzendaria da eta Edurne Izagirre berriz, abesbatzaren sorreran parte hartu zuen kantaria. Elkarrizketatuek aurreratu dutenez, dagoeneko prestatuak dituzte datozen hilabeteetarako diskoaren estreinaldia eta beste hainbat kontzertu berezi.

Maite Azabal eta Uxue Diez Guiralek Gazteartean Bekaren bitartez Irungo LGTBI gazteen errealitatea ikertu dute. Behin ikerketa amaituta, kolektiboak Irunen bizi duen egoeraz hausnartu dute eta hobetu beharrekoak atzeman dituzte. Ikerlariek azterketa egiteko lau eremu bereizi dituzte: Osasun zerbitzuak, hezkuntza, aisialdia eta kultura eta espazio publikoa.

Txingudi errugbi klubak denboraldia hasi berri du. Klubeko lehen taldea partiduen errutinan murgilduta dago jada. Iñigo Camarero entrenatzaileak azaldu duenez Zaisa Txingudi taldeak Iruñako La Única taldearen aurka denboraldiko lehen garaipena lortu du. Kategoria txikiagoetan dabiltzan klubeko taldeak ere lanean ari dira. Sub 16 taldeko Marke Moratinosek eta Sub 18ko Asier Bravok kontatu dutenez gainontzeko […]

Xabier eta Unai Martiarena nebak Urunea baserriko lur eremuetatik kanpo ere ezagunak egin dira sare sozialei esker. Instagramen eta Youtuben baserriaren izena daramaten kontuak ireki dituzte beren jarraitzaileei baserriaren egunerokotasuna eta bertako zereginak nolakoak diren kontatzeko. Xabierrek bideoak grabatu eta, aldi berean, bere nebarekin baserriko lanetan aritzeko nola moldatzen diren azaldu du.

Txingudiko bertso eskolek dena prest dute ikasturte berriari ekiteko. Ezagutza maila guztietako bertsolarientzako lekua izango dute Txingudi badian zehar sakabanatutako kideek. Eskolez gain, bertsolaritza zabaldu eta ezagutarazteko bestelako egitasmoak antolatuko dituzte urtean zehar. Irunero aldizkarian, berriz ere Irunabar elkartetik igorritako bertso paperak argitaratzen jarraituko da hilero. Adrian Arrutik bertso ikasturtearen lehen zertzeladak eman ditu.