Otsailaren 17an arratsaldeko 18:30etan “Desberdintasuna bizi” hitzaldia aniztasun funtzionala duten pertsonekin loturiko aurreiritziak apurtzen saiatuko da. Hitzaldia Oiasso Museoan egingo da eta ez da gonbidapenik eskuratu behar bertan parte hartzeko. Hegalak Zabalik fundazioak antolaturik, Juncal Cepeda, Zuriñe Anzola eta Miren Martiarenak parte hartuko dute bertan. Juncal Cepeda irundarrak desberdintasuna bizitzea nolakoa den aurreratu du.

Cliché musika talde irundarrak bere lehen abestia kaleratu berri du. Urtarrilaren 28an estreinatu zen “Conjuro” izeneko abestia, bideoklip eta guzti. Asier Piera abeslariak, Rubén de la Iglesia gitarra-joleak eta Ander Sáenz perkusionistak osatutako taldea arrakasta berrien bila abiatuko da. Musikariek, pandemiaren oztopoak gaindituta, eszenatokietara itzuli eta oraindik aurkezteko dituzten abesti berriak ezagutarazteko gogo handia adierazi […]

Gazteartean Beka irabazi dute Maite Azabal eta Uxue Diez-Guiralek. “LGTBIQ+ gazteak Irunen: ba al dakigu zer dagoen?” lana aurkeztu dute deialdia irabazteko. Datozen hilabeteetan Irungo LGTB gazteen beharrak kontuan izango dituen gizarte sentikor eta inklusibo bat sortzeko ikerketa gauzatuko dute. Maitek eta Uxuek Irungo herritar gazteak proiektua ezartzearen onuradun izango direla pentsatzen dute.

Ibai Aizpuruak Barraka jokoarekin Durangoko Azokako IV. Sormen Beka irabazi du. Irundarrak Barraka proiektua garatzeko urtebeteko epea izango du. Euskarazko bideojokoa izateaz gainera, adin guztietarako aproposa izatea nahi du Aizpuruak. Ibai Aizpurua oso eskertuta azaldu da Gerediaga elkarteak eta Durangoko Udalak emandako aukera honengatik.

IGA Abesbatza Gabonak kantuan ospatzeko prestatzen ari da. Pandemiaren egoerak horretarako aukerarik ematen badu, berriro kaleak kantuz alaitzeko intentzioa dute kantariek. Oraingoan, gainera, senideak eta lagunak beraiekin abestera gonbidatu dituzte. Gainera, Eneko Amundarain abesbatzako zuzendariak azaldu duenez, IGA Abesbatzarentzat 2022. urtea proiektu bereziz beterik datorrela dirudi.

Balazta elkartea 2016. urtean sortu zen bizikleta hiriko garraiobide iraunkor gisa erabil dadila sustatzeko helburuarekin. Bizikleten erabilera areagotzen laguntzeko Gipuzkoako Foru Aldundiak bultzatutako Birziklatu proiektuan inplikatu dira eta jarduera aurrera eraman ahal izateko Irungo Udalak Larreaundi auzoan lokal bat mailegatu die. Manu Eizagirre Balaztako kidea da eta elkarteko nobedadeak errepasatu ditu.